大腸檢查 #
今個星期係檢查嘅週，星期二做腸鏡，星期三休息咗日，星期五去眼科做白內障手術前嘅檢查同聽講座，跟住嘅星期一二清埋兩日年假，所以好似連續放咗好多日假咁。 做完腸鏡忍唔住去咗食牛陣，都係嗰句，食素已經係最輕擎嘅考驗，連食慾都控制唔到，更加遑論性慾同心慾。
視網膜穿窿 #
安排左月底做白內障手術有啲措手不及。 因為係私家醫院做晶體比較多選擇，於是就係附近搵私家眼科攞個 second opinion，誰不知佢話我視網膜穿咗兩個窿，要做咗激光修補手術先至可以做白內障。星期六一早車細仔返科大做 presentation，回程返去眼科醫院問多次視網膜脫落嘅問題，結果都係要星期一再返去掛號。
百無聊賴 #
其實每次放假都係咁，原本諗住可以有好多時間睇吓書睇吓音樂結果都係每日都好似好忙，百無聊賴咁樣渡過咗。
Cloudflare 大死機 #
