自從用左Kindle之後已經多年冇買書。每年618和雙十一已經有太多亂七八糟野要買。加上年紀大咗（懶）冇乜心機讀書。
但係文青如我當然有個豆瓣account。可能大家唔知道豆瓣有個好好用嘅功能就係可以將你想讀嘅書加入購書單。然後佢就會比較唔同購書平台嗰本書嘅價錢，方便你一野就可以click入去買書。基於Add 左當睇咗嘅大原則，我個購書單當然有一大堆無謂書。一大堆“第時我得閒一定要俾心機睇” （即係基本上都唔會睇）嘅書。
618臨近喺值大媽度見到唔少圖書優惠，最基本嘅300-50，300-80， 200-20，甚至 低至2.5折，於是忍唔住就將豆瓣購書單裏面嘅書一野轟落京東購物車度，然後喺度左度右度睇吓點樣可以計到最平最多折扣，真係復仇式消費。
因為啲書係同其他立雜野一齊訂，直到所有野到晒菜鳥嘅集運倉我先至開始處理。30幾40張單我竟然買咗40公斤野？？
拎到返屋企先至發現買咗三箱書！
D書我隊落個購書單度just for bookmark only，諗住今生人有機會先會睇架屌！！
而家就為咗一慳嗰一個幾毫買咗返嚟真係吹撚脹！
呢堆就係今年(同出年)希望可以睇得晒既書，我執咗出嚟先。另外仲有兩大箱我瞄左一瞄，連打開包裝嘅力氣都冇。原箱直接攞去迷你倉等我退休養老用。
幾本有關日本嘅書都係為咗11月去四國遍路做準備。都係嗰句，學習一個國家嘅文字，只係為咗更好咁理解了解人哋嘅人文文化。
另外呢本《黃泉下的美術》係豆瓣不約展不自拍的看展小組朋友推介。
呢個小組有中國各地嘅展覽介紹。**冇小紅書style 到此一嘅攻略，冇晒朋友圈專用千篇一律自拍pose 。**超級強烈推薦!
展覽喺山西博物館舉辦嘅 “壁上萬千 - 山西宋金壁畫中的眾生氣象” 展覽 展覽其實好吸引，可惜冇本事是一轉飛一轉山西睇。
